الفضول قتل القطه

[رنا أحمد]

هناك ظاهره غريبه عجيبه ..زحمه رهيبه السيارات لا تتحرك الاكسلاحف في النهايه نجد ان الحادث في الجهه المقابله ..وسبب الزحام هو الفرجه والفضول......بالمقابل نجدهم في عجله من امرهم عند الاشارات وكأنهم اطباء في عجله لانقاذ مرضاهم........ماهو تفسير ذلك اخوانى...؟؟؟؟؟؟!!!!!!!

[jro7i]

اختي الفاضلة : رنا احمد

اولاً: احب اشكرك على هذا الطرح الجميل

وثانياً: راح اقولك ليش اكيد اول شي هو الفضول وبعدين الانسان مشاء الله عليه يحب الشر ولازم يشرف على كل شي

وبالنسبة للاشارات والسرعه هذي شي لابد منه لاننا متهورين

وبصراحه اكثر الحادث مايتعوض بس الاشاره دابله كبودهم وكل يوم يشوفونها بس الحوادث ماتجي الا نادر عشان كذا الكل يحرص عليها

وفي الختام تقبلي تحياتي

[أحمد محمد الشهري]

نعم قتل الضب ذلك ان من يستطيع ان يشاهد الدمار وباستمتاع عجيب لا يمكن ان يكون قطه الا ضب ..... دم ويمكن ميت او ميتين وداز خشته بين الناس يفتي ويفزع ويعالج ويحرك السير اي رجل مرور وطبيب ومهنس ويمكن طيار .. لاني شفت ناس يبون يطيرون من فوق الكباري والانفاق علشان لايفوتهم حادث ... اختي رنا حادث تفجير الاحوال ايام الازمه بسكود وصلني من شخص مسئول ان اول من باشر الحادث شباب الحي حتى ان فريق الكشف عن الغازات السامه - طبعا امريكان - جو بعدهم بلبس الحرب الكيميائيه كامل ولما شافوا الشباب بسياكلهم وبعضهم بدون جزم استحوا من خوفهم ... طيب لو كان فيه كيماوي كان وش صار ..الله يستر ..
ومره انصدم هندي مسكين في شارع عام امامي مباشره ومن قوة الصدمه طار في الهوا ونزل في الشارع الثاني وقبل ما حتى نفتح شالوه ثلاثه في حوض ونيت ولعبوا بحوضه وعموده الفقري بزعمهم بيسعفونه بسرعه قبل لايموت !!!!!
لالالا هذي حلوه ... طريق الملك فهد واقف والزحمه واصله كيلو وانا امشي بين السيارات وصلت الى سيارتين ونازل منها رجالين يتضاربون من غير حادث !!!! وعلى السيد الايسر .. والطريف في الموضوع ان الى يفاكون ما يبون المضاربه تنتهي ابدا مستمتعين الى اخر لحضه ! تدرون ليش ؟ لان واحد من الي يتضاربون معه بنات في السياره والعالم هذي تفاك شوي وتشخص شوي وتغازل شوي ؟؟؟؟؟؟؟
ما قلت لكم الفضول قتل الضبان واذا تبون التماسيح ....
هين هين يالضبان !!!!!!!

[عبدالرحمن الخراشي]

فعلاً أستاذة رنا ,, هذه هو الحاصل للأسف واصنفهم الى :
النوع الأول : حب الفضول والنفس البشريه مفطوره على ذلك ..
النوع الثاني : اشخاص فزوعين ويعتقدون انهم مسؤولين عن ذلك الشخص المصاب.
النوع الثالث : وقت فراغ طالعين يتمشون لا جديد لا أثارة , والحادث بالنسبه لهم قصه جديده وسبق صحفي للاصدقاء

واما السرعه فهي عائده للجهل وعدم المبالاه ..

[أبو سلطان]

الأخت الفاضلة رنا أحمد :

والمشكلة الذين يصورون الحادث بالصوت والصورة بكاميرات الجوال وما حادثة نفق السويدي عنا ببعيد!! .. اصبح الجميع كما ذكر أخي أحمد الشهري طبيب ومهندس ومراسل صحفي يغطي الخبر من أرض الحدث!! ..

البعض يعتبرها نخوة وفزعة ولكن الذي نراه هو مجرد فضول لكي يظفر بقصة يحدث بها زملائه واصدقائه!! .. وعنوان الموضوع جميل : الفضول قتل القطة .. فعلا كثير من الفضوليين قد يصبحون هم ضحايا بسبب الفضول !! ..

شكرا لك أختي وياليتنا نتعلم الفضول الايجابي!! ..

[رنا أحمد]

شكرا جميعا لمداخلاتكم الرائعه ويعطيكم العافيه.....والتى بالفعل اضحكتني.....

لكن هل باعتقادكم يمكن مواجهة المشكله وحلها.....كيف؟؟؟؟؟؟

اتمنى تواصلك الدائم .....

[jro7i]

اخت رنا بصراحه راح ارد عليك رد يمكن يحطمك ولا يسد نفسك بس الواقع مافيه مجال

مستحيل يتغير الطبع هذا فينا لاننا بكل بساطه فضوليين وكلاً يحب المظاهر والفشخره

يعني مافيه امل ولا فيه حل ولا فيه علاج الا انك تغيرين الشعب كله وهذا مسيتحيل

[رنا أحمد]

يعطيك العافيه اخ جروحي وشكرا على مداخلتك......بس ما كنك متشائم شوى!! :(

[فهد سليمان العنزي]

اختي العزيزه/رنــــــا
ساعات الزحام من خلال تجاربي مع طريق الملك فهد وخريص والدايري وووو اعرفها واتجنبها الا لضرورة قصوى
والتجمهر امام الحوادث اعده تخلف (اما ان اساعده اذا كان بحاجة اواتركه ليؤدي اهل الاختصاص عملهم)
اما السرعة فأتحداك ان تسيري في طريق بسرعــــــــــــــــة 120 الحد الاقصى واستمعي وانظري(للتكبيس,البواري,الشطف,ولزق الصدام بالصدام)
تغيير صعـــــــــــــب ولكن انصح ولن استسلم

[مستشارة]

ربما

ان السبب هو ايجاد حديث يتكلمون به في المجالس

والله شفت حادث اليوم اعوذبالله .. وتلقاه يوصف لك الحادث بدقة وش سووا وش صار

الييييييييييييييين تحس انك معهم .. وكل واحد لما يشوف حادث وش زوده .. بيشوف عشان يقص !

الحل ..

يمكن تكثيف الارشاد عن هذا الشيء بالاعلام واللافتات

استحقار هذه الفعلة وعدها من التخلف .. عاد ربعنا يبون كل شي (كشخة )

مايبون يخربون البرستيج

قله ترى ذا مو برستيج بيخف شوي

يبي لنا صبر على الدنيا واهلها !!