سااااااعدوني [الأرشيف] - منتدى الفريق الإجتماعي

عبدالرحمن الخراشي

06-25-2007, 11:10 PM

الفقر يامنى عندنا لم يعد فقر بما تعنية الكلمه بقدر ما هو ثقافه فقر ..
الفقير تعود ان يكون فقير في فكره لذا هو فقير لا يحاول ان ينهض من ما هو فيه ..
طبعا لا نعم جميع الحالات ولكن غالب حالات الفقر يكون السبب الاول فيها الاشخاص انفسهم

وبصراحه كثير من اداراة الخدمة الاجتماعية في اماكن متعدده .. هي الى تأصل الموضوع هذا في نفس الفقير
يعودونه على فتات فلوس نهايه كل شهر, فهو ليش يتعب ويشتغل نهاية الشهر بيلقط من هنا وهنا تلقينه مجمع راتب وظيفتين
وطبعا مايجي بسهوله يصرف بسهوله او يجمع ولا تلقين تغير فيه شي لانه تعود ..

اعتقد انك كاخصائيه اولا شي عليك انك تتعرفين على موارد المجتمع الي انتي فيه .. وش ممكن يقدم ويفيد الفقير
من خدمات او مساعدات لكن دايما نحاول نقدمها باسلوب التبادل .. عطني واعطيك وهذا فيه شي من السؤوليه
يعني انا ماعطيك مبلغ بدون ماتقدم لي شي ..

وكلمه استراتيجيه رائعه او نقول خطه استراتيجيه .. بفرض فرض قد يراه البعض خيالي
لو وضعنا لنا استراتيجيه اننا ندرب كل شهر 10 اشخاص عندهم الاستعداد الكامل بنحصل على 120 متدرب سنوياً
الهدف القريب شهري وهو عشر اشخاص والبعيد 120 شخص في السنه مع مرور الوقت لنفرض على مدى 10 سنوات
بنكون دربنا 1200 شخص وهذا هدف استراتيجي .. طبعا مانتكلم على مستوى شخص .. كم عدد الاقسام العامله في مجال الخدمه
لو كل قسم حقق هذا الرقم كافتراض بسيط جداً لاجل لا يقال انه مبالغ فيه .. كم متدرب مؤهل سنحصل عليه بعد مرور 10 سنوات ؟!

الان نجي لدورك في انتشالهم من الفقر اولا يجب ن يقتنع الشخص انه قادر على التغيير والاقناع هنا دور الاخصائي
الامر الثاني ايجاد قنوات سوا للتدريب او التوظيف والتاهيل .. غالبا مثل هذه الفئات هي بحاجه الى اعاده تاهيله وهنا ياتي دورك
لمخاطبه الجهات المختلفه والمجتمع والله فيه الخير الكثير اهم شي لانكون طماعين في المطالبه .. نبدا بشي بسيط واذا اثبتنا نجاحه
راح نحصل تفاعل اكبر .

بعطيك مثال الان لبرنامج التدريب الى نعمل عليه مع مرضى السرطان وفكرته بسيطه بلخصها او اختصرها لك
من الضغوط الى يعاني منها مريض السرطان اسرته وانقطاعه عن العمل وكيف يصرف عليهم والفقر احيانا يكون مصاب وفقير في الاصل
قبل الاصابه بالمرض .. كيف ممكن نخفف عنه بعض الضغوط في جانب من الجوانب وخاصه الاقتصادي .. تعال انا بعطيك مساعده ماديه
لكن في المقابل بعض الاسر عندها ابناء في سن الدراسه او العمل وجالسين وصايرين عاله على اسرهم .. يعني فوق الهم هم.
نجي ناخذ الانسب من 1 الى 2 من ابناء الاسره وندرجهم في دورات تدريبيه .. انا بدل ماعطيك يالمريض كل شهر 3000 الاف ريال
بعطيك 1500 والباقي بدرب ابنك فيه واخليه يصبح مؤهل للعمل خلال عام .. وبكذا نخفف الضغط عن المريض وعننا كجهه لانه بيكون
قادر على تحمل اعباءه بنفسه بعد توظيفه.

النقطه الثانيه في البرنامج .. موارد المجتمع والامكانيات الى ممكن تستغل ..
وقعنا مع عدد من المعاهد لتدريب المرضى او احد ابناهم او زوجته وبعضها البرامج منتهيه بالتوصيه بالتوظيف
بمعنى اننا لا نعد بالتوظيف ولكن من يكون الافضل قد يحصل على الفرصه مباشره .. ومجاناً من قبل هذه الجهات
فقط عليك اقناعهم باهميه الامر بالنسبه للمجتمع وحاجه هذه الفئات للدعم والمسانده .. ماعتقد ان اي معهد عنده مشكله
في عشر اشخاص كل شهر الفصول قائمه مايضر كل فصل يكون فيه مريض .. واهم من هذا كله ابراز دور الجهات المتعاونه
يعني لما توقع مع جهه ابرز دورها اعلامياً طيرها في السماء خلها تشعر باهميه عملها او تبرها هذا يزيدها حماس قدم لها خطابات الشكر
تواصل معها باستمرار ..

المرحله الثانيه من البرنامج باذن الله ستكون منج دراسيه دبلوم وبكالوريس في تخصصات ومجالات مختلفه..

والشي الاهم لازم يكون فيه ايمان ان التغيير لا يحدث بين يوم ولليله .. يعني الفقير لا يتوقع ان الاخصائي يملك العصى السحريه
ويعتقد انه بينام ويقوم وبيلقى نفسه غني او عنده اكتفاء ذاتي .. لازم يوضح له المصاعب الى ممكن يواجهها لاجل مايحبط اثناء العمل
ويوضح له في المقابل الفوائد التي سيجنيها باقي حياته ..

اعرف احدهم حاولت اقناعه بالبدء بعمل وكان بـ 800 ريال وكان رافض الفكره تماماً يقول ماتسوى .. وبتوفق من الله قدرت اقنعه
يجرب فتره فقط فتره ويشوف اذا لم يحدث تغير يترك هذا العمل .. والان في اقل من سنه هو يحصل على مرتب شخص جامعي
هي دائما المشكله مابين الوقوف والبدء .. اذا كسر الحاجز انطلق الجميع.

بالتوفيق والمعذره على الاطاله يامنى ..