محادثه حجازيه ..!!!

[لمياء السرهيد]

مادري وش قصتي مع اهل الحجاز ..

بس وصلني هالايميل ..

وقلت لازم تشوفونه ..

طبعا احلى من ايميلي الاول بكثييير...:rolleyes:


:D كبرت الخط علشانك دكتور عبدالمجيد ..

ابيك تقولنا صح ولا لا...


>>>

http://www.swahl.com/up/m105/swahlcom_bed7.jpg


كيفكم اخباركم

جات في بالي فكره حلوه وفلله

وهي كل فتره نتكلم عن منطقه من مناطق المملكه

نتكلم عن كل شي بالمنطقه


واليوم ببداأبالحجاز وان شاءالله البقيه بالطريق



وان شا ءالله تكون عجبتكم الفكره



اللهجة الحجازيه على مر العصور





اللهجة الحجازية :

هي لهجة أهل المنطقة الغربية في السعودية وتتمركز بالذات في مكه وجده والمدينة والمدن القريبة منها اكثر من باقي المدن اللي في الغربية وهي لهجة تأخذ من اللهجة البدوية و اللهجة المصرية ولكنها تميل الى المصرية والسبب انه ايام العثمانيين كان فيها مصارية كتير قد الجبل

وطبعا تختلف لهجة العجايز عن الجيل الحاضر ..

لهجة العجايز تحسوها معتقة ومصطلحاتها القديمة ما تنفهم وما يستخدموها الا عتقية البلد اما الشباب حقون دحين ما عاد صار يستخدموها . وكمان ما ننسى ان اللهجة الحجازية فيها الكثير من الأمثال القيمة

وبسم الرحمن نبدأ في بعض ما تختص بيه لهجتنا الحجازية الغاليه :



1- مصطلحاتنا :



في كثير من المصطلحات الحجازية اللي من الصعب انو اي واحد غير حجازي يفهمها واتفضلوا هذي بعضها :

اندر بره : اخرج

العن سنسفيلك : اهزأك

اديلو : اعطيه

الدهليز : مدخل البيت

الكرتة : الفستان

الكنتره : الجزمة اكرمكم الله

القنعه : العبايه

الكرويتة : دكة خشبية

الزقاق : الشارع الضيق

وأعتقد أنها أصبحت كلمة معروفة بفعل النزح المكاوي على المدن الأخرى، وهو المعروف عند أهل نجد بالدعتسوس الداعوس <---- زقاق أهون وربي

باختصار هو الشارع الضيق

دندرمة : ايس كريم و تراها مي سبّة تراها كلمه معروفة جداً، وبعد دخول التطور إلى الحواري المكّاوية أصبحت تعرف بالآيس كريم

دحديرة : نزلة او منحدر

الدبش : اغراض العروسة قبل لا تتزوج

القابلة : بكره = اللي تولد الحوامل

المملك : المأذون الشرعي

الدقيسي :الفراغ اللي تحت الدرج أو المخزن

المرقعة : الدلع والمياعه في الكلام والتصرف

يتتريق : يستهزء

اللغوصة : نقل الكلام وتسبيب المشاكل

الدحلسة : اذا كنت بتتمصلح مع واحد عشان تبغى منه شي تقول يدحلس .

هججوني : ازعجوني

قوامن : بسرعه , حالاً

مضليون : طبعاً الكلمة هذي تحفة اللهجة المكاوية، وكانت النساء تتفاخر بمن تملك فيهن مضليون

حتى أن أحدهن قالت : وي يا فايقة يا أختي .. والله جوزي صدقة جابلي مضليون والمضليون هو البروش الذهب

الحرمصة: يقولك في غابر الغابرين ( واحد متحرمص على نتيجته) والمعنى العلمي لها هو عدم الاستقرار النفسي أو انتظار الشيء على أحر من الجمر

المرمشة: يمين بالله علينا كلمات فلّه

المرمشه: بفتح الميمين هي نهش ما على العظام من اللحم، أو نهش ما على أي شيء من أي شيء

الزبلحة: ياساتر على الكلمات اللي تودي فدهية، المهم الزبلحة هي قلة الأدب والتواقح في الكلام

العكننه : وهي التنكيد على شخص معين،



قوامن = بسرعه

حُقْ =علبه

بلكن = يمكن


أقيس = أظن
دحين= الآن ..

الديقيسي = غرفة في السطح

مصرفدة= مستعجلة

دولا أو دُولْ =هؤلاء أو هم


أمزع رقبتك=سبه أمي تقولنا هيا


داير مدار أو داير مايدور = حولين الشيء


دغري = على طول

امصع ادنك=يعني أجرها


مخمج = معفن


جغمه = تقريبا شفطه او رشفه من الشراب


وي=للتعجب

عزل المدحديرة = النزلة


ناونيني = أعطيني


ازهميلي= نادي لي


زنبيل = الكيس


منضره = نظاره


يواد=ياولد

الصمرقع = الجنان


مكارنه = معكرونه


اترينو= زي غصبنوا


وخرلو = ابتعد عنه



سجره = شجرة

اشبك=ماذا بك


سكر المحل = قفل


معلقه = ملعقه ؟


سيبوا=اتركوه


بسط المحل = فتح


أندر = اخرج

أفرشك فرش=أضربك ضرب


خوتني = طفشني جبلي الصداع


افتر= اهجد


وكلمة علين = ألين أو إلى


زي الرصد =تقيل مرره


توايق= تطالع


عساك بالطافوح= سبه يعني عساك بالسم للي
يأكل كثير



حزر فزر = يعني توقع


شطيطة= تصغير شطه


أترنو = عشان كده


كندره= جزمة

وكلمه طرحرح = مثلا أحد يقول جبت لي


الطرحرح يعني جاني التعب أو القرف منك



غصبنو = ؟؟؟ عشان كده


محزقر= ضيق


قصرو = اختصار الشيء أو الزبدة


دحلسة= تملق وتقرب لأخذ شئ ما


قرينه=سبه يعني جنيه


ايشكلو = إيش هوا


عبالوا = إلى أن


أتعتع = أتحرك

قنله = تنوره

زي البرمان = بسرعه

شربيت = عصير

كُرته = فستان

ورمت و بقبقت = بعيد عنكم أتنفخت


أستكري تكسي= أستاجر تكسي


كندره = جزمه


مزبرقة = مزينة


محل.. بكسر الحاء= غرفة المعيشه



عازه = حاجه


الهجاج= الجنان


هوري= الكرسي الصغير


بطران = ما يحمد ربه

يبكشوا = يمزحوا


المبيت = غرفة في السطوح


يحقلو = يحق له


زهمني = ناداني


حلنّي أو استنيني = يعني موت ياحمار


تليك = مداس

لطشتوه = ضربتوا ...

مقرحف = ناشف زي لما تقول العيش زي
وجهك مقرحف



صرمه = جزمه

اتلبخت = انشغلت أو أنزعج


طراحه = ليانه = فرشة = فراش


اتشعبط = أتسلق


متاقه = أخت مجاغه= واحد دمه ثقيل


إسمنّو = على الأقل



شبطة = لصقة

في قلب العدو = تقال عند ذكر أمر سيء


بوز = فم


خِف= أستعجل

السنطران = السنترال

دلكي النحاس = غسلي الصحون


أهبط=اقعد عاقل



اتاري = لها معنيين الاول كمبيوتروالتاني لما
يقولك آآآآآه اتاري الهرجه كداااااا


حُق المناديل = علبة المناديل



أهجد=اقعد عاقل


الدويان = الأدوية

بحلقت=فتحت عيني بقوة


باينلو = باين عليه

والله عال = عجيب


خمشتوا=قرصتوا _لميتوا


زي عبرة الكوك = زي الملوينا طالع نازل


تكرونيه بيضه = لمن البزره تقعد تكلج في
الهرجه يقولولها تكرونيه بيضه


صُكّر = سكر

قر=اهجد


كونديشن = مكيف


فارقي=انقلعي_ روحي


كدش = الشعر الكثيف المخربط



مخده=وساده

أقيد الرقم = اسجله


ما بلعتو من زور = ما عجبني


جلاله =سجادة

الحمبتري = بنت عم طرحرح يعني الحمه


اتقيت = لقيت


استاته =الأخت الكبرى


رجه = صقعه


بكرج = براد الحليب


سيدى =الأخ الأكبر

غيرت حجر الساعة = يعني غيرت بطارية
الساعة


متصربع = مستعجل


مرعته (بتشديد الراء( =يعني زادت أمه في
دلعه الطفل لمن حاله يزيد أمه سقرقه=أشربي
ما صفطناكم = ما شبعنا منكم


الصحيه = المستشفى


زي الملوينه = سريع مره – حركته كثيرة


ليانه=طراحه = فراش

أتلحف = أتغطى بالبطانية


يستغر = يعتمد


كراويته= زي البطرمبة من خشب و مرتفعة


أديلو علقه = افرشوا = عاقبه


داعتو = أشوى أو أحسن


مجلس بكسر الجيم=صالون


اهبدك الين اجدد ايمانك = تهديد


بمبه قاروري=اللون الفوشي


برمان = دوران


الدقديق=بطانيه


صيباط = زي بعض


المركب = المطبخ


بيتالما = بيت الراحه = الحمام


اصنصير = مصعد

أرفع بريك = صفه = طنشه






و في مصطلحات كتيرررررررررر غيرها .









2- أمثال حجازية :


إذا جيت رايح كتر من الفضايح.

او إذا جيت رايح كتر من الملايح

بعد ما أكل واتكا قال ريحته مستكا.

حاجه ما تهمك وصي عليها جوز أمك.

ست وجاريتين على قلي بيضتين.

أعمى ويلضم خرز.

دلع الكبار زي الشقدف على الحمار.

اللي ماله أم حاله يغم.

كنس بيتك ورشُه ما تدري مين يخشوا.

كل حبه مسوسه لها كيال أعور.

على قد زيتوا سرجلوا.

الخايبه تتعلق بالحبال الدايبة.

عقربه في الغار ولا ضره في الدار.

خاتم بفصو وكل شي ترصوا.

أهري وانكتي يا جاره وأنا ثابته زي العماره.

شايل لنا طيران عبد القادر

لو لك شي عند الكلب قول له يا سيدي

لا تقرصيني يا نحله ما أبغالك عسل..

يحسدوا الفقير على موتت الجمعه

سكتنا له دخل بحمارووو

ما يقدروا على الحمار يقدروا على البردعة

اذا حلقوا لغيرك بل راسك واستنى

ايش عرف الحمير بأكل الجنزبيل

البيض الفاسد يدحدر على بعضه

حاجة ما تهمك وصي عليها جوز امك

اذا تعاندوا الحمير يا بخت الركاب

البيضه ما تخابط حجر

حبيبك يمضغ لك الزلط وعدوك يعد لك الغلط

حمارتك العرجة تغنيك عن سؤال اللئيم

داخل لبيت العروسه نادر من بيت العريس

ياريتني بيضه وعرجه اصلوا البياض فُرجه

يااخد القرد بماله يروح المال ويبقا القرد على حالو

الله من محبته في عبيدو جعل العمر والرزق بيدو.

اللي يشوفني بعين اشوفوا باتنين.

اللي ماله ام حاله يغم.

مين يشوفك يالي في الضلام تغمز

على قد زيتوا سرجلوا

فقير اتجوز فقيرة خلفوا وجع القلب

كبيرهم فلفل وصغيرهم زنجبيل واللي في الكوفلة يقول من العايدين

خشوني لاتنسوني ولعوا الشمعة وشوفوني

عمية تحفف مجنونة وتقولها حواجبك سودا ومقرونة

الصرمة والقبقاب صاروا أصحاب

يا داق الموية في المهراس يا مربي وليد الناس

كل عيش البخيل ولا تأكل عيش المنان

أدب ولدك وان زعلت امه

يابخت من بكاني وبكى الناس عليه ولا من ضحكني وضحك الناس عليه.

رضينا بالهم والهم ما رضي بينا

اتملت العدوة وقلت المروه

أكلوا الملوخية وصاروا أفندية

لمن كنا ما كانوا ولمن رقدنا قاموا

قالوا متى طلعت القصر قالوا أمس العصر

العروسه للعريس والجري للمتاعيس

سلامتك والهيل والقرنفل قمامتك

اللي يشيل قربه مخروقه تنقط على راسه

الحجر من الارض والدم من راسك

أخوانك من أمك زي الدهب في كمك و أخوانك من أبوك زي القوم لما ينهبوك

من بيت أصقع لبيت أرقع

مطبق العاده و معصوب كل يوم

في كل محضر بالتوب الاخضر

باب المجلس يقول باب السطوح .. اللي يجي يجي .. واللي يروح يروح

خليها في القلب تجرح و لاتخرج بره ترمح

الحر من غمزة والحمار من رفزه

يضرب هذا المثل لإيضاح الفرق بين النبيه والبليد.

خطبوها اتعززت تركوها اتندمت

يضرب لمن يتظاهر بعدم الرغبة حينما يعرض عليه امر ولكنه يندم بعد فوات الاوان

دلع الكبار زي الشقدف على الحمار

يضرب هذا المثل لخروج العجوز عن وقاره وجديته

والشقدف عشان الاسئلة بس:ما كان يوضع على الجمل ليجلس فيه المسافرون

كل حبه مسوسه لها كيال اعور

قلبي على ولدي انفطر وقلب ولدي عليا حجر.

و لا تنسوا ارضى بقردك لايجيك اللي أقرد منوو

الحب عياقة ...توب بلا ياقة







3- الالقاب :

عندنا في الحجاز وخصوصا مكه في اسماء يعطوها كنيه او لقب على سبيل المثال واحد اسمو عبد الله يقولولو أبو عابد ... وهذي بعضها :

عمر : أبوسراج

حسن : أبو على

حسين : أبو هلال

يوسف : أبو يعقوب

عبدالله : عبادي او ابو عابد

عبدالرحمن : الوجيه

عبد الرحيم : أبو رحمه

فيصل : أبو عبدالله

عبد العزيز : عزيز أو ابوسعود

فاطمة : فتو

مريم : منّة

ابراهيم : أبو خليل


كمان الحجازيين فيهم اخلاق و احترام مافي بعدها

لما يطلب منك سكينه ايش يقول ؟

يقولك الله يخليك اديني سكينة في قلب العدو

لما يقلك كنت ب أكل

يقلك كنت ب أتعشى مثلاً فضله خيرك




4- أشياء و تراجمها :

بيت الما: وهو ما يعرف حاليا (بدورة المياه) وقد سماه الجيل الصاعد المكاوي الآن (الطهارة) وقد ورد انه تم التسمية هذه على أساس انه مكان كبير في البيت يوجد فيه الماء فسمي بـ بيت الما.

المركّب: بتشديد الكاف، وهو ما يسميه جميع الناس الآن (المطبخ) والى الآن يعتبر علماء اللغة العربية هذه التسمية من عجائب التسميات لأنه لا يوجد سبب معروف للتسميه هذه إلى الآن!!!!

الدقيسي: بتشديد الدال وكسرها وكسر السين، وهو ما يعرف بالمستودع ، يقول الكاتب المكاوي (محمد يواد فلاته) أن التسمية تعود إلى الحرب العالمية الأولى حيث استخدم أول مره كمخزن للذخائر وسمي في مكة بالدقيسي ، وقد قام جيل 2000 من شباب وشابات مكة بتسميته بالمخزن بدافع التطور.

القرندي: بفتح القاف والراء وتسكين النون وكسر الدال <<<مشوار ها؟

وهذا نوع من أنواع مداعبة الأب المكاوي لابنه فعندما يناديه ويتأخر 3 ثواني يقله (بسرعة عساك القرندي)

ويفسر علماء الجن أن القرندي نوع من أنواع الجن وببساطه يدعي الأب على ابنه بالقرندي <<شفتو اللطافه.

الفقده:مفعول عشانه من فعل يفقد، وهذا نوع آخر من أنواع المداعبة وهي الخاصة بالأم المكاويه.

حيث تداعب أولادها بـ (تعال الله يفقدك)

توتوا: وهو نوع من أنواع المعادن المكتشفة في الاوديه المكاويه. ويستخدمونها المكاوية في تصنيع نوعين من الأشياء اللي تنحط فيها مويه للشرب وهو ما يسمونها زينا (الكاسه) ومو زينا (المغراف).

المغراف:هو نوع من أنواع الكاسات التوتوا ، في حين انه تمت إضافة معلومة من علماء الجن المذكورين سابقا

انه في مرة من المرات قامت أم تداعب ولدها لصغير (الشقي) اللي يلعب يالمغراف وقالتله الله يفقدك بس

وبعدين قالت خلاص يامغراف خده وفي لمح البصر اختفى الولد ، والمغراف هو نوع من أ نواع الجن

وكان بالصدفة متواجد في مكة هذا الجني ههههههههههههههههههههه

على طبطابي .. : يعني على مزاجي

مِرَسْتَكَه ..: يعني متأنتكه يعني مرة شياكة .. ومرتبّة

وايق : .... يعني طالع .... يعني مثلاً تقول .. : ( ياواد وايق زي الناس لا اهبدك باتقل شي قدامي ..

و لا أهبدك اللين أجدد ايمانك

تزل ... : يعني تمر

مرحبمبك ... : يعني مرحبا بك .. بس باختصار شوية

باطِرمَة ... : يعني جلسة ... كنب حاجة زي كده ...

كَرَاوِيتَه : ... حاجة خشب كده ... يحطوا عليها الباطرمة ....

مَدَارِيْه : ...... مراجيح ...

ندرت عينك من حُقّها ... : يعني خرجت عينك من محلها ....

شَلْمَه ...: يعني فجعه .. يعني مثلاً تقول ( اشبك ياواد مشلوم كده عالاكل ؟؟ ) .. ::]

قيّسْتَك : ... يعني حسّبتك .... توقعتك .... هقيتك

يعني مثلاً .. ( قيستك ياواد حتزل على عمتك فتّو ) ... وه ياستيته

بُخْنُق ... : اللي يتلبس في الراس ويكون مخيّط على قده

مِدَهْمَلْ : .... يعني مبهدل .... يعني مثلاً ( اشبك ياواد مدهمل كده .. لاتكون كنت بتلعب في المداريه )

دهليز.....: يعني محل كده زي اللي يكون قدام ابواب العماير

زنبيل : ... يعني كيس ...

زلطة : .... سَلطة بعد التعديل ...

يدعك : ... يعني يفرك ... يعني مثلا .. ( ايش بتسوي يابت بادعك الاسورة , روحي يابت عساكي بداعوك يدعك مصارين شيطانك غسلي الصحون بدل مانتي قاعدتلي كده لاشغله ولا مشغله

مجغجغ : مليان مويه








5- لعيونكم كمان محادثه مكاويه :





ماجد ابو صدقه / يواد يامعمر

عمر ابو سراج / هلا مجود

ماجد ابو صدقه / كيف الحال والتحوال

عمر ابو سراج / خليها على ربك ياشيخ

ماجد ابو صدقه / بلا في شكلك ... خاربها من بدري ... اشبك

عمر ابو سراج / لا بس البزوره جابولي القلق

ماجد ابو صدقه / صفقهم احسن لك

عمر ابو سراج / يابن الحلال الحرمه دي زي المرض قاعدتلي

ماجد ابو صدقه / من جد ... المهم رايح القهوة

عمر ابو سراج / قدام ... والله مره المنجا عندي يبغالها ترويق

ماجد ابو صدقه / هه مايبغالك الا باعشن

عمر ابو سراج / من جد ... سرينا

ماجد ابو صدقه / خلاص بعد نص ساعه امرك

عمر ابو سراج / هيا لا تتاخر ... تراها واصله معايا

ماجد ابو صدقه / بس تره مفلس

عمر ابو سراج / لا تشيل هم .. انا منقرش

ماجد ابو صدقه / الله عليك ياعمده .. او كي يالله القاك هناك

عمر ابو سراج / على خير

__________________




احيانا والله اعلم يقولو السمك عرّق!!!!!!!!!!!!!!!!!!!!!!!!!! !!!!!!!!!

يعني نزله عرق

ليه ياربي؟؟

وهذا يدل على سوء القلي

[عبدالعزيز الكلثم]

دار راسي نص الكلام مافهمته حتى بعد الترجمه

[سميرة]

:)
:p
:)
مشكورة لمياء

ابو هتَان اذا جيت للرياض باذن الله ابو ادهم يعطيك كورسات:)
تحياتي

[عبدالمجيد طاش نيازي]

ما كل مدردم باذنجان.
راح في خر خر .
مين يقول للغولة عينك حمرا
كرو ما ينعار وبيته ما ينزار.)
يأكل ما يشبع، ترسله ما يرجع، تنهره ما يسمع.
كل حبة مسوسة لها كيال أعور.
مين في حالك ياللي في الظلام تغمز.
على قد زيتو اسرجلوا.
روح يا ناكر خيري بكرة تشوف زماني من زمن غيري .
طاعة النسوان ندامة .
عقربة في الغار ولا ضرة في الدار .
يا اللي اخذ القرد بماله يروح المال ويبقى القرد على حالو
الله من محبته في عبيدو جعل العمر والأرزاق بييدو.
اللي يشوفني بعين اشوفوا باتنين
اللي ماله أم حاله يغم
كنس بيتك ورشوا ما تدري من يخشوا .
الطائف المأنوس يبغى له كيس فلوس.
قالوا متى طلعت القصر قالوا أمس في العصر .
المنحوس منحوس ولو علقوا في حلقه فانوس.
اعور وبيتقوقر.
استنى يا كديش حتى يجيك الحشيش.
انضف من الصينىبعد الغسل.
اللي يبغى الدح لا يقول أح.
المخوزق يسب السلطان.
بعد الكبره جبه حمره.
تى تى زى ما رحتى زى ما جيتى.
الدعاوى زناوى.
لا تقرصيني يا نحله ولا ابغا لك عسل.
لساني مبلول واعرف كيف أكول.
اقطع يد الكلب ودليها واللي فيه خصلة ما يخليها.
العروسه للعريس والجري للمتا عيس.
الزايد اخو الناقص.
السلف تلف أما نكر أما خلف.
القمامي صاروا عمايم، والعمايم صاروا قمايم.
الكلب كلب ولو بين السباع ربي.
إلى عنده مخ يجخ.
إلى يحب السوق يحب زفتو معاه.
إلى ما حصل الحج يتدرمغ في ترابو.
اللي يأكل أكل النصراني يدافع عنه.
اللي ما يسمع كلام الكبير يطيح في البير.
المال مال أبونا والناس يضاربونا.
اليد إلى ما تقدر تدوسها بوسها.
أبو البنات الله يعينه.
اذبح بسك ليلة عرسك.
أعمى يقود مطشش.
ألف سبه ما تشق التوب.
أن كان في الأرز قوة في الهندي مروة.
إن كان لك عند الكلب عازة قول لو يا سيدي.
أيش الديك وايش مرقو.
أهل العقول في راحة يبغا لها مخدة وطراحه.
تقول لها هش تقول فين اخش.
تربس بابك يرحم من جابك.
جبنه وزيتونه وغسيل اليدين بصابونه.
ركوب الخنفس ولا المشي على الديباج.
سوى بركة ماء ورد وشخ فيها.
شرشر على مرشر ماء ورد على صنان.
صابون البدو لحاهم.
الصحن إلى تاكل فيه لا تشخ فيه.
فقشتين في الراص توجع.
فلان زى الطرطور
فمو في الديس ويبكى.
قالو للبسه خراكي دوا حفرت دفنتو.
ما تنبل في فمه فوله
ماشى السعيد تسعد ماشى الحداد تنكوي بناره.
مطبق العادة ومعصوب كل يوم.
من طقطق لسلام عليكم.
زى رجل المدفع لا يضر ولا ينفع.
يزعل حبيبي ولا أحبل أنا.
وعدتني بالحلق خرمت أنا اودانى.
غسلت رجليها ونسيت اللي عليها.
علشان الورد ينسقي العليق.
عادى أمير ولا تعادى غفير.
ست وجاريتين على قلى بيضتين.
ترسله في النصاص يجيك في النفاس.
بعدما راح المقبرة صار في فمه سكرة.
بصلة الحبيب كوزى.

[عبدالمجيد طاش نيازي]

بوادي الحوية خيل الطرف تيهان
من الله عطيه
يغني بنغم العود وللقاف طريان
وله قابليه
رمش لي بطرف العين والطرف نعسان
وشلش عليه
وأنا حالتي رثه وفي القلب نيران
تزايد عليه
وقلت العفو بالبيض لدوا بصفطان
ولو في شويه
وحنوا عليه وارحموا حال ولهان
دموعه سخية
ترى راحم ابن آدم لجنات عدنان
من الله جزيه.



ردوا على عيني النوم الذي منها سلبتوه
والقلب لا تحرقونه وانتم اللي ساكنينه
خوفي عليكم وقلبي ما عليه لو حرقتوه
راضي ومختار وامضوا ما بغيتوا تفعلونه
عز الله أنى سعيد يوم لي قلب ملكتوه
وافرح ليا قيل قلبي في هواكم ماليكنه.

[تركي السعد]

يادكتور عبدالمجيد توني أدري انك شاعر :)

ومشكوره أختي على الموضوع ..

وإن شاء الله يكون الموضوع فائدهـ للجميع ..

ننتظر كل جديد

[امل الأيام]

ماشاء الله تبارك الله
دروس حلوه وشعر
الله يزيدكم يارب من القوه
صح اني مافهمت الشعر بنسبه 99 %
بس قرات وحاولت:eek:

يعطيكم العافيه

[عبدالمجيد طاش نيازي]

عصـرية البارحة هليت ودمع العين مدرار
لا شـك يهل الهوى معذور لو تبكى عيوني
جربت بالصـوت ونـاتى ولا جـاوبنى الـدار
إلا برجـع الصدى قد شـدو البـدو الضعونى
يا حسـرة القلب كم لي فيك يا ذا الدار تذكار
عن خـافي الغـد ليت الذكــريات يخبــروني
اشقيتنى يا حمام الورق تسجع فوق الأشجار
ما تـدرى أنى كسـير البـال والقلب محزونى
يا طيـر ود العـلوم ورد لي من عنـده أخبـار
مـدري بعد يذكـرون الـود والا هـم نسـيونى

[عبدالمجيد طاش نيازي]

أمل
الجزء الأول ليس شعرا بل هي أمثال وحكم قديمة يرددها أهل مكة
الجزء الثاني والثالث شعر قديم أيضا يعد من الأهازيج المشهورة في مكة

[هدوء أنثى]

وبما أنكـم سوف تقوم بعرض كل ماهو خـاص بالحجاز فهـــــذا نموذج للعــيد بــــأرض الطــهر بكــــــــة
مظاهر العيد في الماضي في منطقة الحجاز والتي تشمل مكة المكرمة وجدة، فنجد أن مظاهر العيد في منطقة الحجازية تختلف عن بقية المناطق وذلك لطبيعتها الروحانية بحكم وجود المدينة المقدسة مكة

العيد في مكة المكرمة:
- الاستعداد للعيد((ليلة العيد)):
ففي ليلة العيد يقوم رب الأسرة بأخذ أبنائه إلى السوق لشراء مستلزمات العيد المختلفة والتي تشمل اللبس والأطعمة التي اشتهرت بها المنطقة الحجازية حتى وقتنا الحاضر كما تقوم ربة المنزل بتنظيف البيت والاهتمام به ونجد هنا الاختلاف حيث يكون الاستعداد في الماضي للعيد من (ليلة العيد) برغم في وقتنا الحاضر تستعد المنطقة الحجازية للعيد من( شهر) تقريبا.
- يوم العيد:
يذهب رب الأسرة مع رجال الحي إلى صلاة المشهد (وهي صلاة العيد( ويحرصون على أدائها بالمحرم المكي الشريف
وتقوم المرأة في هذا الوقت بتجهيز القهوة على الجزة وكذلك تقوم بعمل الأطعمة المشهورة في العيد نذكر منها:
الشعرية:
الدبيازة: و هي تتكون من قمر الدين والمشمش والتمر المجفف والذي يسمى (تمر القلادة).
الــــــــــــــــــــــزيــــــــــــارات والـــــــــــــمــــــــــــعايدات:
وبعد صلاة المشهد يكون الإفطار والغداء والعشاء عند (كبير العائلة) وبعدها يذهب رب الأسرة مع أبنائه لمعايدة أهالى الحي هذا بالنسبة للرجال.
أما النساء فيقمن بالمعايدة بعد ثلاث أيام بحيث يكون انتهي فيها عيد الرجال وبدء عيد النساء حيث يتزاورن وأثناء زيارتهن لبعضهن تكون أبواب بيوتهن مفتوحة( والهدف من فتح الأبواب هو اذا لم تجد أحدى النساء ربة المنزل تدخل البيت وكأنه بيتها وتشرب من القهوة وتأكل من الحلوى ثم تكتب على الطاولة أو تترك علامة لأهل البيت بأن فلانة قامت بزيارتكم وتهنيكم بالعيد وبعدها تقوم ربة المنزل في اليوم الثاني بزيارة تلك المرأة0
- بعض الملبوسات في ((العيد المكاوي)):
اشتهرت المنطقة الحجازية بارتداء أزياء مشهورة في العيد لكلٍ من الرجال والنساء.
-الرجال0:يرتدون ما يسمى بالعمة المكاوية والثوب الذي يُزين بالأزارير ذات اللون الفضي أو الذهبي وارتداء السد يري أو البشت والبعض يقوم بتزيين أطراف الثياب بالحرير،مثل زي عمدة محلة الشبيكة الموضح في الصورة.

http://www.makkawi.com/pho_1424/rijal/hamza4.jpg


-النساء : فيرتدين الثوب الذي يسمى ( بالمطابق) ويشمل لبسهم المدورة وهي توضع على الرأس والسديرية المزينة بأزارير الذهب الخالص وكذلك المحرمة 0
-أما بالنسبة لهدايا العيد((العيدية)):
وهي مايسمي بالعيدية وهي مازالت موجودة حتى وقتنا الحاضر حيث يقوم رب الأسرة بإعطاء العيديه لزوجته و أبنائه وأبناء الحي وكذلك تقوم المرأة بإعطاء كل من طرق على باب بيتها من الأطفال عيديه حسب ما تيسر لها. وهي عبارةوهي عبارة عن مبلغ من المال أو ما تجود به من حلوى وغيرها.

ودمــــتي لنـــــا يـا بكـــــه حُـــبــــــــاً ســـــاطعـاً يسـكن سمـــاء قلوبنــــــا

يعطيكم العـافية
*****

[عبدالعزيز الكلثم]

اعتقد ان أهل مكه وجده يختلفوون تماما في الطباع وإلا انا غلطان ؟

[لمياء السرهيد]

دار راسي نص الكلام مافهمته حتى بعد الترجمه

:D حصريا استاذ عبدالعزيز الكلثم..

مايعرف لهالكلام الا اهل البلد او اللي يروح لها باستمرار..

اجل انا شسوي خوالي هناك وماافهم اغلب كلامهم

ياناااس تكلموا بشويش وترجموااا :rolleyes:

اخر شي تعودت ..:p

شاكره مرورك ..

[لمياء السرهيد]

:)
:p
:)
مشكورة لمياء

ابو هتَان اذا جيت للرياض باذن الله ابو ادهم يعطيك كورسات:)
تحياتي

هلا سميره ..

تسلمين ياقلبي ..

وليه ينتظر ابو ادهم ..

انا رحت فيييين انا جاهزه لاي ترجمه ..

احنا كمااانا نعرف نتكلم متل اهل الحجاز ..

هيا صحيح على قدنا بس نقدر نتصرف :70:

[عبدالله الحجاجي]

السلام عليكم ورحمة الله وبركاته

اتوقع ان هرج أهل مكه أقرب للفهم من غيره يمكن لأنه قريب من اللهجة المصرية واللي تعتبر الأكثر شهره وفهم بسبب أفلامهم ومسلسلاتهم .

مكة تتميز بوجود كل ما يخطر ببالك من لهجات وعادات وتقاليد وعوائل وقبائل

ومثل ما هناك هرج حجازي كما هو معروف هناك أيضاً اللهجة البدوية

وضع مكة المكرمة كعاصمة مقدسة وملاذ كل المسلمين هي من جعل فيها هذا الكم الهائل من الثقافات الغريبة والعجيبة في بعض الأحيان والرائعه جداً في أحيان أخرى

تحياتي وتقديري للجميع

[لمياء السرهيد]

هلا فيك دكتور عبدالمجيد ..

حلو انك اندمجت مع الموضوع ..:rolleyes:

كمل ونحن لك منصتون ومتابعون ...:p

........................

«صفق صفق يا مرجان..
ستي خديجة في الروشان..
صفق صفق يا مرجان..
ستي زكية في الدرجان...
واللي يصفق أبوه يعطيه...
توب حرير يدلع فيه..
قد كدة قد الرمانة..
قد كدة حلوة ورويانة..
قد كدة ترقص وتغني..
قد كدة تلعب وتحني..»..


http://www.ma3ali.net/audio/files/nasheed//tape/barqa1/10.ra

[عبدالمجيد طاش نيازي]

الأستاذة لمياء
صراحة استمتعت بسماع الشريط ماشاء الله بكل اللغات

ذبح عبقر بقرتنا وبقرة جارتنا
طلعت مرقة بقرتنا أحلى من مرقة بقرة جارتنا
أكل عبقر لحم بقرتنا وخلى لحم بقرة جارتنا.
رددها ثلاث مرات وبسرعة

حبيش زرع حشيش
غنم حبيش ما أكل حشيش
قام حبيش حش الحشيش.
رددها ثلاث مرات بسرعة

عكيكة جدتي فيها رُب
والحس خريق عكيكة جدتي وأقول: طيبوه يا طعم خريق عكيكة جدتي.
رددها مرة واحدة بسرعة

[سميرة]

عكيكة جدتي فيها رُب
والحس خريق عكيكة جدتي وأقول: طيبوه يا طعم خريق عكيكة جدتي.
رددها مرة واحدة بسرعة


حاولت وفشلت يبغى لها مقطع صوتي:):p
عموما صباحكم ورد

[صالح القبس]

استاذه / لمياء
سلمت يداك
وكثر الله احبابك
وقلل عداك
ويا بختك والدنا ابو ادهم اندمج مع موضوعك.
تقبلي مروري